OBXECTIVOS

A Unidade de Transferencia Embrionaria (UTE - Bos) de Galicia dotouse dun sistema de venda de embrións por Internet que cumpre os seguintes obxectivos:
1) Publicar de forma sistemática e transparente a oferta disponible.

2) Realiza-la venda directa dos embrións, tanto dentro como fóra de Galicia.

3) Coñece-la demanda existente sobre cada exemplar.

4) Ofrecer ao mercado información extensa, estructurada e dinámica da traxectoria xenealóxica de cada embrión.

DESCRIPCIÓN DO SISTEMA

Calquera usuario da web poda consulta-los datos xenealóxicos dos animais criados na Unidade de Transferencia Embrionaria (U.T.E.) de Bos. Tamén poderá coñecer que embrións se atopan en venda, pero para mercalos deberá rexistrarse.

O usuario xa rexistrado poderá adquirir embrións ou apuntarse a unha lista de espera que UTE Bos ten a disposición de tódolos interesados na que se ofrecen aqueles embrións que se atopan en trámite de colocación pero que a súa venda non foi pechada.

Polo momento o único medio de pago operativo en UTE Bos é o ingreso ou transferencia en conta. Cando un usuario merca un embrión se lle da un prazo de 48 horas para que ingrese o importe da súa adquisición. En canto se confirme o pago entregaráse o embrión e a súa documentación. Polo contrario, se o pago non se confirma nese prazo o pedido cancelaráse.

A xestión de reservas é sinxela. Cando un pedido se cancela e sobre ese embrión existe unha lista de solicitudes en reserva, o sistema adxudica o embrión ó primeiro solicitante, ó que lle envía un e-mail comunicando esa circunstancia, así como as condicións de pago do pedido.

PRAZO PARA SOCIOS

Dende o momento que en unha recolecta de embrións se pón á venda ábrese un prazo de 15 días no que os embrións están a disposición de gandeiros socios da Federación. Por ese motivo, tódolos embrións cunha antigüedade inferior a 15 días non están en disponibilidade inmediata de venda máis que para os socios, permanecendo a posibilidade de reserva para tódolos clientes que se rexistren como non socios. Se transcorren 15 días sen que un gandeiro de FEFRIGA realizara pedidos, procederáse a adxudica-lo ó primeiro solicitante que figura na lista de reserva, sen importar o seu lugar de residencia.

VENDA POR LOTES

FEFRIGA resérvase a posibilidade de ofrecer embrións en lotes indivisibles, de xeito que quen estea interesado en adquirir algún deles haberá de adquiri-lo lote completo.

Para os lotes existirá tamén un prazo de quince días de venda exclusiva a socios de FEFRIGA, que contará a partires da posta en venda do lote.

Os embrións incluidos en lotes non poderán adquirirse separadamente.

No prazo de oferta exclusiva a socios, cada socio poderá adquirir un máximo de UN lote.

Transcurridos os quince días dende a posta en venda dos lotes, non haberá restriccións en canto a número nin en canto á condición de socio ou non socio do comprador.

Tanto para os lotes que se atopen en oferta exclusiva a socios para para los que estean pendentes de pago existirá a posibilidade de que outra persoa interesada realice unha reserva sobre eles. En caso de que o lote quede á venda, o sistema aduxudicaráo á primeira reserva, por orde cronolóxica, enviando por e-mail un pedido para o que se solicitará o pago correspondente. En caso de que o interesado desistira desa adxudicación, seguiráse adxudicando mentras haxa reservas sobre ditolote. Se non houbese reservas, o lote ficaría en venda libre.

Federación Frisona Galega
R/ Melide 25-27 Baixo - 15705 Santiago de C. - A Coruña - España
Tfno./Fax: + 34 981 573 879 + 34 981 573 775