Coa XVIII Subhasta Top-Bos, celebrada o pasado venres día 28 de Outubro nas instalacións da Unidade de Transferencia Embrionaria de Bos, en Guísamo, ponse fin a un programa que, ó longo dos seus case 20 anos de vida, estivo adicado á producción de xenética élite (animais e embrións) para mellorar os rabaños de Galicia.

Como xestores do Programa e a pesar do desprecio que, despois de 20 anos de colaboración, recibimos da Consellería (o Sr. Conselleiro non só non visitou nunca a UTE de Bos, senon que, nin tan sequera, se dignou en recibir á Xunta Directiva de FEFRIGA para intentar buscar unha solución de continuidade ó Programa), sentímonos satisfeitos do traballo realizado ó longo destes anos; traballo que ven avalado polo número de embrións producidos, animais obtidos e tamén, pola alta valoración e prezos que, -a pesar da grave situación que está atravesando o sector,- acadaron os animais de Bos nas Subastas.

Más abaixo ofrecemos unha reportaxe da subasta e resumo de prezos acadados, non obstante e antes de rematar, dende a Federación queremos dar as gracias a todas aquelas persoas que dende os seus cargos ou co seu traballo, fixeron posible o Programa Bos e de maneira moi especial ó equipo humano de Bos e a todos aqueles gandeiros que confiastes e utilizastes o Programa Bos ó longo destes anos.

A todos, moitas gracias.

RESULTADOS DA XVIII SUBHASTA TOP-BOS

>> GALERÍA ANIMAIS MÁIS COTIZADOS
>> GALERÍA DE FOTOS XERAL